6. لوحة الارضيات ... Flooring tiles plan

النهارده معادنا مع لوحة جديدة ...

6. لوحة الارضيات ... Flooring tiles plan

اللوحة دى من اللوح المطلوبة فى المشاريع الخاصة بالتصميم الداخلى ... و مش بتكون مطلوبة فى كل المشاريع ...

فايدة لوحة الارضيات :

من خلالها بنوضح شكل الارضات المقترح و ازاى هاتكون شكلها بعد التنفيذ

لما نيجى نشتغلها ... بنشتغلها على لوحة القاوطيع partitions plan ... و بيكون فيها :

1- لوحة القواطيع بدون ابواب او قواطيع يمكن ازالتها و بدون الفرش ( ممكن الفرش يكون موجود بسمك خفيف جدا علشان نوضح علاقة الارضيات بالفرش )

2- جميع الارضيات الموجودة فى الموضوع و المقترح تنفيذها .

3- الابعاد الخاصة بمكان الارضيات ... سواء مقاسات تقطيعها او مقاسات البلاطات المستخدمة و اى ابعاد ممكن تفينا فى التنفيذ .

4- مكان بداية شغل الارضيات ... و ده من اهم الحاجات الموجودة فى اللوحة ... لان اول ما يتحدد نقطة البداية فى الرسم بسهولة هانعرف مقاسات الغلايق ( البلاطات الباقية على اطراف الفراغ و يفضل انها تكون اكبر من نص البلاطة المستخدمة و كمان يفضل انها تكون فى اماكن مش ظاهرة بقدر الامكان و كمان ماتكنش فى اماكن كتير )

5- المناسيب الموجودة و غالبا بتكون عند اختلاف المناسيب زى اماكن السلالم و المنحدرات .

6- الاعتاب الموجودة عند الابواب ( علشان كده الابواب يفضل ماتكنش موجودة فى الرسمة )

7- اى وحدات اضاءة او وصلات كهرباء ممكن تكون موجودة فى الارضيات ... و ده غالبا بيكون موجود فى الاماكن العامة او الاماكن الواسعة اللى بنحتاج فيها وصلات كهرباء و الحوائط بتكون بعيدة عن المكان اللى بنحتاج فيه وصلات كهرباء ...

8- جدول بنوضح فيه انواع الارضيات المستخدمة و طبعا الجدول ده بيكون مطابق للانواع و المقاسات الموجودة فى اللوحة

9- اى ملحوظات ممكن تكون موجودة على لوحة الارضيات ...

و ده مثال على لوحة الارضيات

دى كانت نبذه بسيطة عن وحة الارضيات ... Flooring tiles plan

لو حابب تعرف اكتر عن اللوح اللى اتكلمنا عنها قبل كده ممكن تشوف الهاشتاج ده ... ‪#pointology

لو فيه حاجة تحب الفترة الجاية نتكلم عنها ... كلمنا على الصفحة أو شاركنا بتعليق ...

لوحة الفرش ... furniture plan

لوحة الفرش ... furniture plan
لوحة الفرش دى واحدة من أهم اللوح ... سواء فى مرحلة التصميم أو فى مرحلة الرسومات التنفيذية Shopdrawing . هاعرف ليه دلوقتى ....
فى مرحلة التصميم .. واحد من أهم الأسئلة اللى بتكون فى بال المصمم و هو شغال على تصميمه ... هافرشه ازاى ... هاحطهم فرش ايه ... و خاصة لو المكان ضيق أو فيه غرف مساحتها صغيرة ...

فى مرحلة الرسومات التنفيذية Shopdrawing ... لوحة الفرش يفضل تكون هى المعتمدة من الاستشارى أو المالك ... لأن على أساسها باعمل حاجات كتير جدا منها لوحة للكهرباء و الإضاءة و السقف و غيرها كتير ...

كمان هى تعتبر اللوحة الأهم بالنسبة للعميل و خاصة لو مش عارف يقرأ اللوح ... لأنها المعمارى ب يوضح من خلالها شكل الغرف و طريقة الفرش المقترحة ... و دى أنسب لوحة أوضح فيها المساقط الافقية للعميل بتاعى ....

كده عرفتها أهمية اللوحة ... طيب بيكون فيها ايه ....
1. أى فرش هاحطه ... سواء :
. ثابت زى الكاونتر الخاص بمنطقة الاستقبال و كمان زى الفرش الخاص بالحمامات و المطابخ و غيرها ....
. فرش متحرك ... و ده معناه أى فرش هاحطه و سهل تحيه أو مش مثبت ... زى أى كرسى أو سرير أو مكتب أو أى حاجة ....
2. الابعاد الخاصة بالفرش ... و ده نادرا ما باحتاجه ... بس باحتاجه فى الفراغات اللى هايكون فيها الفرش معمول مخصوص للمكان ده ... زى مثلا ...
. فندق و هاعمل فرش الغرف ... فباخد نموذج لغرفة و باعمل لوحة الفرش و باحط الابعاد بالتفصيل على الفرش .... دى مرحلة من المراحل بس مرحلة جدا ...
. مطعم و عاوز أحدد الفرش اللى هاحطه و اماكن الترابيزات المقترحة و كمان الممرات الوهمية اللى بين الترابيزات علشان الخدمة ...
. غرفة نوم و هاعمل الفرش مخصوص لها سواء تفصيل أو هاشتريه .... فبرضه الابعاد علشان الشخص سواء هاشتري أو ينفذ الفرش يكون عارف المقاسات .....

هى اللوحة دى سهله و بسيطة بس مهمة جدا جدا ... سواء للمصمم أو المالك أو مهندس المكتب الفنى أو المهندس اللى فى الموقع و غيرهم ...

دى كانت نبذه بسيطة عن لوحة الفرش furtiture plan

لو حابب تعرف اكتر عن شغلنا ممكن تزور صحتنا على الفيس بوك POINT
لو حابب تعرف اكتر عن اللوح اللى اتكلمنا عنها قبل كده ممكن تشوف الهاشتاج ده ...‪#‎POINTOLOGY‬
لو فيه حاجة تحب الفترة الجاية نتكلم عنها ... كلمنا على الصفحة أو شاركنا بتعليق ...

Partitions plan ....

Partitions plan ....
بصراحة ماعرفش ترجمتها بالعربى ايه .... ممكن لوحة القواطيع أو ممكن نسميها مجازا لوحة الأبعاد ....
اللوحة دى بتتعمل طبعا بعد لوحة المبانى Block work. ... كنا شرحناها قبل كده و ممكن تلافيها على هاشتاج ‪#‎POINTOLOGY‬

لوحة partitions بيكون فيها :
1. طبعا المبانى الموجودة فى المبنى بس بنضيف عليها اى تشطيبات ممكن تتعمل على المبانى .... زي مثلا بنزود سمك المحارة و كمان بنحط سمك السيراميك او الرخام أو أى تجاليد بنزودها على المبانى
2. جميع القواطيع سواء جبسية أو قواطيع زجاج أو قواطيع خشب .... أو أى قواطيع ممكن تكون موجودة و مطلوب أننا نعملها ...
3. كل الابعاد الممكن تكون مطلوبة .... و الابعاد فى اللوحة دى بتكون متأخدة من التشطيب النهائى للحوائط او القواطيع ....
4. جدول يوضح أنواع القواطيع .... و طبعا الجدول بيكون فيه الهاتش المستخدم فى المسقط الأفقى ....
5. جميع السلالم و بطاريات الحركة .... و طبعا بالتشطيب النهائى لها على المسقط الافقى ....
6. جميع المناسيب ....
7. أسماء الفراغات ....
8. جميع الفتحات الموجودة سواء ابواب او شبابيك ...
9. الفرش الثابت اللى ممكن يكون موجود ....

لوحة partition plan مش بتكون موجودة فى كل المشاريع ... بس بنحتاجها جدا فى المشاريع :
1. اللى بيكون فيها قواطيع زجاج أو قواطيع جبس .... و فى المشاريع اللى بيكون فيها فرش بيجى بمقاسات متضبطة على الموقع ... فالاحسن أننا نحط سمك المحارة مثلا أو السيراميك لأن ده بيفرق لما بنيجى نطلب الفرش .... زى مثلا مشروع بنك أو مشروع هايبر ماركت ....
2. فى المشاريع الخاصة بالتصميم الداخلى ... لأن ساعات بنحتاج نقسم حاجات بمقاسات متساوية ... زى السيراميك او عراميس غاطسة فى الحائط ...

دى كانت نبذة بسيطة عن لوحة partitions plan ....
لو تحب تشوف عينة من الشغل بتاعنا ممكن تدخل على الصفحة بتاعنا ....
أو لو تحب تعرف اكتر عن اللوح اللى اتكلمنا عنها قبل كده ممكن تدخل على الهاشتاج ده #POINTOLOGY

لوحة المبانى Block work plan

لوحة المبانى Block work plan 
بعد ما انهينا أعمال التكسير فى الموقع ... تيجى لوحة اعمال المبانى ... و دى من اللوح المهمة جدا فى أغلب المشاريع أن لم يكن كلها ....
فى لوحة اعمال المبانى يكون أول ظهور للتصميم الجديد المتوافق عليه من المالك ..
اللوحة دى فايدتها ايه ...
1. بنوضح فيها اماكن المبانى المطلوب عملها فى الموقع 
2. أنواع المبانى المطلوب استخدامها
3. اماكن الفتحات المقترحة فى المبانى ... سواء ابواب او شبابيك ... و كمان بيان فيها ارتفاع جلسات الشبابيك و ارتفاع أعتاب الأبواب و الشابيك .... و كل ما كانت المعلومات دى واضحة فى جدول كل ما كان أفضل ...
5. اماكن السلالم كلها و طبعا هايبان معايا اماكن السلالم الجديدة المقترح إضافتها فى المشروع ..
6. أى إضافات جديدة فى المشروع و هايم تنفيذها بالمبانى ( بأى نوع طوب )
7. بنوضح ارتفاع المبانى و خاصة المبانى اللى ارتفاعها أقل من ارتفاع الدور ... مثال على ده ... عندى كاونتر و جسم الكاونتر من الطوب و هايتم تشطيبه بالرخام ... المبانى اللى ها نفذها فى الموقع لازم أوضحنا فى روح المبانى و أذكر ارتفاعاها هايكون كام .... مثال كمان .... هاعمل جلسة فى الموقع .... الجلسة لازم يكون ارتفاعاها واضح و مكتوب فى لوحة المبانى
دى كانت نبذه بسيطة عن لوحة اعمال المبانى ....
و دى طبعا من اللوح اللى بتطلع ها فى الرسومات بتاعنا ....
لو عاوز تعرف اكتر عن شغلنا ممكن تدخل على الصفحة الخاصة بينا ...https://m.facebook.com/POINT-562470780566636/
لو عاوز تعرف معلومات اكتر عن اللوح المطلوبة فى المشاريع المختلفة ممكن تابعنا على ...
‪#‎POINTOLOGY‬

لوحة اعمال التكسير ... Demolish plan

 لوحة اعمال التكسير ... Demolish plan

لوحة اعمال التكسير مش بتكون مطلوبة فى كل المشاريع ....
بس بتكون مطلوبة فى المشاريع اللى بيكون فيها اجزاء مطلوب تعديلها او مبانى مطلوب ازالتها بالكامل .... و بتكون من اوائل اللوحة المطلوبة فى الموقع ...

مثال على ده :
. لو عندى ارض و هابنيها و مش علها اى مبانى ... فى الحالة دى مش هاحتاج لوحة اعمال التكسير
. لو عندى مشروع شقة مثلا او مشروع تجارى ... و التصميم المتوافق عليه من المالك غير متطابق مع لوحة الرفع المساحى و فيه اجزاء مطلوب ازلتها ... هنا انا محتاج لوحة اعمال التكسير

اللوحة دى غالبا بتتعمل فى المساقط الافقية .... بس لوفيه اجزاء فى الواجهة مطلوب تكسيرها ... اكيد هاحتاج لوحة لاعمال التكسير خاصة بالواجهات ...
مثال : واجهة فيها صفين شبابيك فوق بعض ... و صف واحد اللى مطلوب فكه ... فى الحالة دى محتاج طبعا لوحة للواجه بتوضح
الشبابيك المطلوب ازالتها

بنوضح فى لوحة اعمال التكسير التالى :
1- اماكن العناصر المطلوب تكسيرها او المطلوب فكها ... و ده ممكن يكون :
- تعديل فى البلاطة الخرسانية لعمل فتحات لاضافة سلم داخلى او لعمل مناور او داكتات جديدة لزوم التكييفات او المواسير او اى شئ اخر مطلوب من المصمم
- حوائط مطلوب تكسيرها
- قواطيع سواء جبسية مطلوب تكسيرها
- قواطيع زجاجية مطلوب فكها ( ممكن اعادة استخدامها حسب حالتها و حسب مقاساتها و حسب تصميمها و بناء على موافقة الاستشارى )
- سلالام مطلوب تكسيرها لتعديلها او اعادة بناءها او ازالتها
- ابواب و شبابيك مطلوب فكها ( و ممكن اعاة استخدامها ... حسب موافقة الاستشارى )
- اى نواع من انواع التشطيبات مطلوب تعديله ... مثل الارضيات بانواعها و التجاليد بانواعها و الفرش الثابت بانواعه
- وحدات الاضاءة و واعمال الكهرباء المطلوب ازالتها و تعديلها ( بيكون بناء على لوح التصميم المعتمد من المالك )
2- الابعاد الخاصة بكل عنصر و خاصة لو مطلوب ازالة جزء من العنصر ده ... مثل : حائط مطلوب تكسير جزء من لعمل فتحة شباك او باب .. فى الحالة دى مطلوب جميل الابعاد سواء طول او عرض
3- كتابة و توضح كل عنصر ( مطلوب تكسيره او فكه ) نوع العمل المطلوب فيه و لو فيه مطلوب اى اشتراطات مطلوبة لازم تكون واضحة فى الرسومات

و عشان اعمل لوحة اعمال التكسير محتاج لوحتين مهمين جدا :
1- لوحة الرفع المساحى ... لانها دى اللى باشتغل عليها ... 

2- التصميم المعتمد من المالك ... و لازم تكون اخر حاجة وافق عليها المالك .... علشان نقلل التعديلات اللى ممكن تكون مطلوبة

دى كانت نبذة بسيطة عن لوحة اعمال التكسير و اهميتها ....

لو عندك معلومات جديدة عن اعمال التكسير ... ممكن تشاركها معانا ....
لوحة اعمال التكسير واحدة من اللوح اللى بنعملها ...
اغلب شغلنا بكون المرحلة اللى بين مرحلة التصميم و مرحلة التنفيذ ....

‪#‎POINTOLOGY‬

لوحة الرفع المساحى ... Survey drawing

1- لوحة الرفع المساحى ... Survey drawing
اللوحة دى دى بداية كل مشروع ... و هى اول لوحة بتتعمل فى المشروع كله ...
بتتعمل ازاى ؟
ايا كان الشخص اللى هايرفع الموقع ( و يفضل يكون مهندس ) بس المطلوب منه انه ...
1- ياخد كل المقاسات اللى موجودة فى الموقع ....
2- لو ارض ... يبقى هايبقى حدود الجار و الشوراع المحيطة
3- لو مبنى ... يبقى هايجيب كل حاجة جوة المبنى .... سواء اعمدة خرسانة او كمرات او شبابيك او ابواب و كمان التشطيب اللى موجود جوة المبنى و كل حيطة شطيبها ايه .... كمان وصلات المياه و الصرف الصحى و الغاز اماكنها فين ...
4- اى حاجة موجودة فى الموقع ... و خاصة اللى ممكن اهمالها ياثر على اللوح و التنفيذ بعد كده ...

فايدتها ايه اللوحة الرفع المساحى ...
1- اعرف الحدود الرئيسية للحاجة اللى شغال عليها فى التصميم ... زى مثلا حدود الارض ... كمان الاعمدة و الكمرات و ارتفاع الاسقف اللى عندى فى المبنى و بطارية المبنى سواء سلالام او مصاعد ...
2- اعرف اماكن مخارج الكهرباء الرئيسية و كمان مخارج المياه و الصرف الصحى و الغاز ... لانى لو مش عارف اماكن مثلا وصلات المياه ... هاكون بعد ما عملت لوح الصرف و التغذية و لوحة السيراميك الكلام ده كله غير مطابق للواقع ... وهاغير يا اللوح دى كلها ... او ادخل فى تكلفة تغيير او تعديل مواسير الصرف او التغذية او اى حاجاة تانية ...
3- فيه حاجات بتكون موجودة فى الموقع و ممكن استغلها ... زى مثلا ابواب او شبايبك و ممكن تشطيبات فى الموقع كمان ....
4- الارتفاعات سواء ارتفاع السقف او ارتفاع الكمرات او ارتفاع الشبابي او الابواب ... و ده بيختلف من مشروع للتانى ...
5- اماكن المناور فى المبنى ... لان ممكن استغلها فى وضع الكباسات الخاصة بالتكييف او ان الصرف الخاص بالحمامات او التكييف انقله و يوصل للمنور ده ...

و هايدكم مثال على اهمية اللوحة دى من الواقع ....
- كان فيه شقة و المطلوب كان عمل تصميمات داخلية .... بعد ما التصميم خلص و بدانا فى الرسومات ... اضطرينا اننا نعيد الرسومات و التصميم لان السقف اللى كان فى لوحة الرفع المساحى كان بدون كمرات ... و الواقع كان فيه كمان ... و كان الحل اعادة تصميم السقف و اعادة توزيع التكييفات ...
- مشروع بنك ... و كان امام احد واجهاته الرئيسية صندوق التلفونات الخاص بالحى ... و كان موجود فى لوحة الرفع المساحى ... و على اساسه التصميم الخاص بالواجهات تم معالجته لاحتواء الصندوق ....

دى كانت نبذة بسيطة عن اهمية للوحة الرفع المساحى ....

اغلب شغلنا بكون المرحلة اللى بين مرحلة التصميم و مرحلة التنفيذ ....
لو عندك معلومات جديدة عن لوحة الرفع المساحى ... ممكن تشاركها معانا ....

‪#‎POINTOLOGY‬